Kumba Iron Ore Beperk is 'n Suid-Afrikaanse maatskappy betrokke by die eksplorasie, winning, veredeling, bemarking, verkoop en vervoer van ystererts. Dit is die grootste produsent van ystererts in Afrika en op vier na die grootste in die wêreld. Kumba is 'n dogtermaatskappy van Anglo American-korporasie. Kumba se grootste myn is by Sishen in die Noord-Kaap. Dit lewer 70% van die firma se produksie. In 2015 was dit 31,4 Mt. Die Kolomela-myn lewer 12 Mt per jaar en die Thabazimbi-myn ongeveer 1 Mt. In 2015 het die firma 43,5 Mt uitgevoer en 4,3 Mt plaaslik verkoop. Kumba lewer erts aan klante in Suid-Afrika, die Volksrepubliek China, Indië, Japan, Suid-Korea, die Midde-Ooste en Europa. Die firma het 14 000 werknemers, is op die JSE genoteer en die hoofaandeelhouer is Anglo-American plc wat 70% van die aandele besit. Die Nywerheid-Ontwikkelingskorporasie besit 13% en die Onafhanklike Beleggingskorporasie 1% van die firma. Wikipedia